| 今日係第二千二百八十九日
訓到成十一點先起身....仲要又係發埋D奇怪夢....夢中入左去第二個世界....入面有一種唔知咩既競賽....輸左既人就冇得番去現實世界@@....
一起身就差唔多冇左半日喇=.=....上下網同埋整下搵工野咁....跟住就電視+午餐....之後先再練鼓....
到到晏D又忍唔住訓多半個鐘....然後再繼續求職工作....再打陣機....
今日見有時間....就決定整甜品喇....落樓下買完野上黎就開始整....今日整梳夫厘=]
飯前就整好晒D準備功夫....飯後就一焗搞掂....睇住佢焗到越黎越高就好興奮XD....第一次整....份量方面都係唔係太預到....整左三兜....味道方面其實都ok....係唔夠甜....因為材料係自己按食譜再自己改動份量....所以下次落重手d糖就ok喇=]
又收到電話去interview喇....聽日好好準備下先得....
好多野想學呀....想進修下d音樂添=.=
|
| |
| 今日係第二千二百八十八日
九半起身....慢慢準備下又換下衫....十點九就出門喇....
番去教會....同梓聰浩賢幫手執野去婚禮場地....然後落樓下食d野....就出發喇....
我地同埋桂芳,文基一齊飛的去崇真堂....去到就set up器材....再rehearsal....兩半就正式開始婚禮喇....
今日係淑明同海明既大日子....哈哈~就係呢度祝佢地新婚愉快,百年好合,永結同心XD....今次我又要敬拜隊....又要獻唱....出一分力支持下同祝福一對新人=]
敬拜隊就都習慣左喇....但係獻唱前都有少少緊張@@....不過近年多左上台唱歌....尤其係去做義工果d情況....所以上到台都唔算緊張....加上今次首歌我果部分唔算難唱....應該都交到貨=]
今次婚禮都有d感動位....完左之後就影相....跟住就齊齊跟車去太子喇....最後就分開兩邊離開喇....夜晚唔去飲既就一齊去打邊爐....我地去飲既就買d野食野飲然後上酒樓....
上到去食d野....跟住玩下啤牌hea下時間咁....八點到就入席喇....我地區既坐晒同一枱....臨開始果陣有得調上去前d既位置....睇得更清楚=]
去飲都係成枱識既開心d....同埋大家都係年青人....個氣氛都比較輕鬆....越玩越瘋狂添XD....今晚都好多節目....海明突然走出黎唱歌真係夠晒冧=]
食完晒之後我地再留多陣影下相咁....最後十一點幾就走人喇....搭車番家....都幾累下....
在我心中有千百萬心聲.
|
| |
| 今日係第二千二百八十七日
尋晚又發怪夢....同埋與蚊同眠=.=....跟住一早起身....用電腦既時候見到佢大無私樣係面前飛過=.=||
佢一定走唔出我間房.\/.#
七點起身....八點門....番NT排練....隔左個星期冇番即刻好似唔多慣咁=.=....
今日要早走....淨係練得一個鐘....不過成個鐘都算充實....今日高佬冇番....難得練Exaltation....冇左個snare真係爭咁d氣勢=.=....跟住All Aboad又係....同埋隔左個星期....有d歌我都唔多記得喇@@....仲有唔係好耐就出show喇....要認真練下先得=.=....仲要出成十首歌....
練到十半就要走人....搭車番教會....練聽日婚禮既獻詩....最後衝刺....練完休息一陣....一點再練婚禮敬拜歌....臨時臨急練....好在都唔係咩難野....跟住再直落練今日敬拜隊....成兩點九先有得食飯=.=
食完之後hea陣就開始崇拜喇....先玩遊戲....呀Mic每次遊戲都好有新意....值得欣賞=]....今次又係玩波....大家都玩得好瘋狂XD
敬拜....然後係有人黎分享....CCMN柬埔寨既宣教士黎分享....認識多左柬埔寨既事工....不過後段真係好累....尋晚唔夠訓@@....
小組....我同瑛琪送生日卡同禮物畀丹盈....哈哈~個青蛙生日卡真係好好=]....然後就傾番小組野喇....六點到完....
又係大食飯團....一行十八人@@....行左去廟街食煲仔飯....太多人要分兩枱....食完分散左....幾個男子一齊去MK行下街....為明天既婚禮置裝=]....
最後行到十點到就解散喇....搭車番家....
|
| |
| 今日係第二千二百八十六日
又係奇怪夢=.=....仲要打孖上....一個見到我番崇拜果陣自己一個全程踎埋一角=.=....另一個已經冇咩印象喇....
九點起身....上網睇工....跟住睇番《心計》=]....然後再打陣機....
午餐電視練鼓....今日練得多左....前幾日都咩點練麻=.=....測試下自己穩定既速度去到幾快....應該比以前進步左=]....不過都要繼續努力....提升自己既極限=]
之後晏d就出去喇....搭車出YMT....去無國界社工報Workshop....報果陣有個職員行過....就同我傾左兩句咁....講到我仲搵緊工既時候....佢話"我地而家請緊人喎"....其實我知道....不過佢地請既係駐四川既社工=.=....唔係我唔想做....而係未有信心把握做....可能過多兩年我真係會去XD....
跟住就去樂富....我地去睇諾哥既學界足球賽....有嘉皓,馬卓,多加,瑛琪,呀車一齊睇....超耐冇睇過中學生既足球賽....印象中都係d班際比賽片段=.=....雖然球賽唔算得上精彩....但係都睇得幾有趣味=]
睇完之後我地去吉之島逛下等諾哥....然後一齊搭車出佐敦....係教會樓下桃苑食飯....食完就番去祈禱會喇....
好耐冇番過祈禱會....感覺同以前唔同....最後九半完喇....完走先見到亞叔@@....好耐冇見喇....其實我係好掛住佢既....不過亞叔實在好難捉摸....畀佢"gut"左幾句就係咁喇=.=....
之後一行十人去湯圓王食糖水....今次亞姐冇咁好招呼....又冇送糖不甩=.=....難得今次個話題講講下又變左係笑話....大家都仲有唔少貨@@....
食完之後就搭車番家....巴士冇位坐....就邊企邊睇書....好喇....呢本又差唔多完成喇=]
明早決定遲少少番去練歌....爭取番NT排練既時間=]
|
| |
| 今日係第二千二百八十五日
九點起身....尋晚又發奇怪夢@@....
十點幾就出去喇....十一點幾出到去大角咀....今日約左展文,馬卓,呀黎一齊去唱K....哈哈~好耐冇唱K喇XD....
去左新九龍廣場唱....第一次去=.=....環境都唔錯....仲要都係平野....$40 K lunch唱到四點....係咁唱係咁唱....唱到聲都攰=.=....不過都唔錯....大家一齊玩下唱下.....
四點走人....同呀黎過奧海城....搵個地方栽培....又栽左兩課喇....進度良好=]....然後再係果度逛陣....就同佢分別喇....
諗住等到六點過渡船街果邊同樹熊食野....點知佢又遲放學....咁就先出MK行下先喇....搵番展文同佢一齊hea陣XD....
六點九過到去佐敦....同樹熊去左六榕仙館食齋@@....真係極少可....因為我係無肉不歡既....
開頭都擔心....食齋會好清淡好寡仲要唔飽肚....但係食落又唔係喎!....我地叫左個二人餐....一羹兩送再另叫兩個白飯....個羹都同預期差唔多....不過都算好味....一大鍋分開每人都有三碗....送就叫左個酥炸蠔同醋魚....
個蠔實在太過分喇....如果唔係咬開望住入面唔係蠔既都真係以為食錯齋....無論賣相同味道都真係激似....堅係好味....實在大開眼界@@....個魚都唔差....有個酸酸甜甜既汁....加埋一塊塊既"肉"....睇落唔係好似魚....最多都係似d魚餅....食落就似介乎午餐肉同魚既質感....但係又係好好味....加埋一齊炒既松子同粟米....兩樣送都係送飯一流=P
食完呢餐....真係對齋完全改觀....點解可以做到食肉果個感覺同效果架@@....食完好滿足兼覺飽....的確唔簡單....同埋呢間野都幾好....有機會再黎食過=]
食完就去童總上手語喇....流程同樣....溫書練習教新野練手語歌....今日又教好多新野....越聽越眼訓=.=....我應該都仲跟到個進度既....話咁快就淨番兩堂....要睇定上唔上埋中級喇....
九點上完堂....搭車番家....好眼訓=.=....
聽日去睇諾哥比賽....佢曾揚言"入唔到波請食飯"喎=]
|
| |
True
